Како да препознаете дали треба да внесете повеќе зеленчук во вашата исхрана? Телото може да ви укаже и да ве предупреди на неколку начини, дали треба да јадете повеќе зеленчук.
1. Често имате модринки
Ако забележувате модринки на вашето тело, за тоа може да го обвините недостатокот на витамин Ц. Доктор Гери Голденберг за Pervention вели дека недостатокот на витамин Ц може да предизвика модринки бидејќи витаминот Ц помага во закрепнувањето и создавањето на колаген. Без него крвните садови се поранливи па ги прави модринките секојдневна појава.
2. Имате тврда столица
Тврдата столица не е шега, но може да се реши. Повеќето зеленчуци се добар извор на влакна па нивниот недостаток може да доведе до болна столица. Артичок, авокадо, брокула и прокељ се идеални за решавање на проблемот.
3. Постојано сте гладни
Влакната, освен што ја регулираат столицата, помагаат на чувството на ситост. Ако се појави чувство на глад по час, два по оброкот тоа може да значи дека не сте внеле доволно влакна. Намирници кои би можеле да ве заситат на подолг период се зеленчуци богати со влакна, како и мешунките.
4. Се дебелеете
Ако не јадете доволно зеленчук, веројатно вашата исхрана е сочинета од преработена храна која доведува до зголемување на килограмите.
5. Исцрпени сте
Ако сте уморни, а не знаете што е причината за тоа, проверете што јадете. Зеленчукот има многу хранливи состојки кои го креваат нивото на енергија. Јадете повеќе зелен зеленчук богат со магнезиум.
6. Често сте болни
Ако не јадете доволно зеленчук, вашиот организам тешко ќе се бори со вируси и може многу почесто да заболувате од сезонски настинки.
7. Заборавате
Заборавате и наједноставни работи? Јадете повеќе зеленчук. Според објава во 2015 година од Универзитетот Туфтс, лутеинот помага за паметењето и когнитивните вештини. Зеленчук богат со лутеин како: тиква, брокула, морков, пченка се идеални за секојдневната исхрана.
