Избрани новите министри и заменици министри

Собранието на Република Македонија ги изгласа новите четворица министри во Владата.
Рената Тренеска Дескоска е нов министер за правда и за нејзиниот избор гласаа 67 пратеници, а против беа 23.
Новиот министер за образование и наука е Арбр Адеми чиј избор го поддржаа 67 паретници, а 25 беа против.
За новиот министер за култура Асаф Адеми гласаа 66 пратеници, а против беа 23 и за новиот министер без ресор Бардул Даути 65 пратеници гласаа „за”, 26 беа против и еден воздржан.
Веднаш по гласањето новите министри дадоа свечени изјави.


Пратениците во Собранието ги изгласаа и новите четворица заменици министри чиј избор беше последна точка од дневниот ред на собраниската седница.
Нов заменик министер за надворешни работи е Андреј Жерновски за кого гласаа 67 пратеници, а 20 беа против.
За Асим Муса кој доаѓа на местото заменик министер во Министерството за здравство гласаа 67 пратеници, 19 беа против, а еден беше воздржан.


Ѓонул Бајрактар е избран за нов заменик министер за труд и социјална политика со 64 гласови „за”, 16 против и 3 воздржани, а Садик Беќири ќе биде заменик министер за транспорт и врски откако неговиот избор го поддржаа 64 пратеници, а 18 беа против.
Претходно Собранието избра нови четворица министри во Владата. За нова министерка за правда е избрана Рената Дескоска, за министер за образование и наука Арбр Адеми, за култура Асаф Адеми и за министер без ресор Бардул Даути.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.