Бебе кое во првата недела од животот се заразило со корона вирусот успешно е излечено во Клиничкиот центар во Ниш, потврди координаторката за детските ковид болници и директорка на Клиниката за детска хирургија на КЦ Ниш, Анѓелка Славковиќ, пренесуваат српските медиуми.
Таа вели дека бебето старо само седум дена со симптоми на Ковид-19 било донесено во болница од своите родители, и по утврдувањето на присуство на вирусот, тоа и било хоспитализирано.
Бебето не било во тешка состојба, редовно примало терапија и по две недели немало никакви тегоби. Последниот тест бил негативен. Сепак возраста била проблематична.
Во оваа болница во последните недели се породиле три трудници позитивни на Ковид-19 но новороденчињата биле негативни.
