Израелската армија објави дека во воздушен напад утрово уништила подземен бункер кој, според нивните тврдења, му припаѓал на починатиот врховен лидер на Иран, Али Хамнеи.
Според војската, во нападот учествувале околу 50 борбени авиони на израелските воздухопловни сили, фрлејќи приближно 100 бомби врз локација во Техеран.
Израелската војска тврди дека бункерот се наоѓал под „ирански комплекс“ што се протега на повеќе улици и вклучува бројни влезови и сали за состаноци за високи членови на иранскиот режим.
„Под комплексот беше изграден подземен бункер и беше безбедно резервно место за военото управување на водачот, кое беше елиминирано пред тој да може да го користи“, се вели во соопштението на Израелските одбранбени сили.
Според истите извори, по смртта на Хамнеи, комплексот продолжил да го користат високи членови на иранското раководство.
Израелската војска, исто така, тврди дека Дирекцијата за воено разузнавање со години ја мапирала оваа локација, што, според нив, овозможило да се изврши денешниот „прецизен напад“.
Овие тврдења сè уште не се независно потврдени од ирански извори.
The post Израел тврди дека го уништил подземниот бункер на Али Хамнеи и фрлил 100 бомби врз него appeared first on Во Центар.
