Индискиот милијардер Гаутам Адани размислува за отворање авиокомпанија што би можела значително да го потресе пазарот на авиоиндустријата во Азија, кој со години е доминиран од ИндиГо.
Планот сигнализира промена во стратегијата за групацијата „Адани“, која управува со осум аеродроми во Индија, вклучувајќи два во Мумбаи, и има стратегија за проширување вредна 11 милијарди долари.
Размислувањето на Адани доаѓа откако индиската влада приватно ги охрабри деловните групи, вклучувајќи го и Адани, да размислат за лансирање на авиокомпанијата, поради контролата врз „Ер Индија“ по минатогодишната авионска несреќа и оперативните предизвици кај лидерот на пазарот „ИндиГо“, што предизвика широко распространети прекини во воздушниот сообраќај во декември, рече изворот.
„Тоа е тешка работа, но Адани сака да се гледа како на национален интерес“, додаде изворот за Ројтерс, велејќи дека владата ги сфатила проблемите на Ер Индија, а кризата на ИндиГо значела дека е потребна уште една голема авиокомпанија.
Адани е втор најбогат човек во Азија со нето вредност од околу 89 милијарди долари, а инвестицијата во авијацијата би била една од најсмелите инвестиции што милијардерот ги направил во својата истакната кариера.
Аеродромите „Адани“ планираат да инвестираат повеќе од 2 милијарди долари во развој на комерцијални зони поврзани со аеродромите на шест локации во земјата, соопшти компанијата минатиот месец, вклучувајќи хотели, трговски центри и канцелариски простор.
Бизнис империјата на Адани
Покрај осумте аеродроми низ Индија, групата што стои зад неа управува со голем број други бизниси во Индија, но и низ цела Азија.
Тој е исто така сопственик на „Адани Портс“, водечкиот приватен оператор во Индија според обемот на сообраќај и управува со 15 домашни пристаништа.
Надвор од Индија, „Адани Портс“ поседува четири пристаништа низ Австралија, Коломбо, Израел и Танзанија.
Милијардерот е исто така водечки производител на цемент во Индија. Групацијата влезе во индустријата во 2022 година, склучувајќи го својот најголем договор досега во секторот со аквизицијата на Holcim AG, купувајќи удел во Ambuja Cements. Компанијата е во процес на серија аквизиции во обид да го симне од тронот водечкиот производител на цемент во Индија, UltraTech Cement.
Покрај тоа, Адани е сопственик и на компанијата за производство на енергија „Адани Пауер“, компанија која произведува енергија преку сончева, ветерна и хибридна енергија. Тој е и сопственик на „Адани Тотал Гас“, која дистрибуира гас во Индија.
Групацијата во мај се здружи со Uber за да го изгради првиот центар за податоци во Индија за споделено патување. Во февруари, групата соопшти дека ќе инвестира 100 милијарди долари до 2035 година за изградба на центри за податоци подготвени за вештачка интелигенција напојувани од обновлива енергија, приклучувајќи се на растечкиот список на компании кои ги зголемија инвестициите за да ја позиционираат Индија како конкурент во глобалната трка со вештачка интелигенција.
The post Индиски милијардер сака да го потресе пазарот на авиоиндустријата со нов потег: Ова е неговата бизнис империја appeared first on Во Центар.
