Поради неговата убавина и едноставниот начин на одгледување, како и поради големата симболика што ја носи, бамбусот е доста популарно собно растение.
Според фенг шуи, ова растение се смета дека носи среќа. Се верува дека бамбусот помага при движењето на позитивната енергија, а за возврат создава повеќе изобилство и просперитет.
Фенг шуи советува дека најдобро е да барате рамни, исправени стебленца од бамбус. Извитканите стебла не се толку корисни за поддршка на исправениот раст и наместо тоа, можат да симболизираат ротирачка или спирална енергија.
Каде да се постави бамбусот?
За да привлечете поголем просперитет, ставете три или девет стебленца од бамбус во некој агол од вашиот дом, работен простор или спална соба. За да го пронајдете „аголот на богатството“, застанете на предниот влез на вашиот дом или соба и лоцирајте го крајниот лев агол.
Кога станува збор за спалната соба, бамбусот треба да биде поставен на местото на крајниот десен агол на просторијата во однос на вратата. Во оваа област ставете вазна со вода со две стебленца од бамбус: едното ве претставува вас, а другото вашиот партнер.
Најдобро е двете стебла да се слични по големина, што симболизира урамнотежена врска помеѓу вас и вашиот партнер.
Во близина на влезот
Среќниот бамбус е поврзан со елементот дрво, кој претставува раст, нови почетоци и семејна хармонија. Обидете се да го поставите среќното растение бамбус во близина на влезот во вашиот дом за да внесете некој од овие аспекти во вашиот живот. Влегувањето во вашиот дом е начинот на кој енергијата доаѓа во вашиот живот, така што ова е одлична област за ова среќно растение.
На маса
Во фенг шуи, вашето биро претставува кариера, работа и животен пат. Ако ви треба поголем раст во бизнисот, бамбусот на маса може да инспирира раст на кариерата.
