Како да ја прославите вашата годишнина ако сте во карантин?

Шансите дека прославата на вашата годишнина ќе изгледа малку поинаку оваа година се многу големи. Но, само затоа што не можете да вечерате во омилениот ресторан или да го реализирате романтичниот викенд што го планиравте, ограничувањата во движењето не мора да го уништат вашиот посебен ден. Сепак, постојат начини како да ја направите вашата годишнина посебна додека сте дома.
1. Променете ја рутината
Едно нешто што можете да направите за да ја направите вашата годишнина посебна е да пронајдете едноставен начин да ја промените вашата рутина за тој ден. Ако вие и вашиот партнер работите од дома во иста просторија цел ден, обидете се да работите во одделни простории тој ден. На овој начин, со нетрпение ќе ја очекувате вечерата и ќе имате можност да му подготвите изненадување на партнерот ако немавте доволно време претходно.
2. Дотерајте се и подгответе убава вечера
Ако секоја вечер јадете на каучот облечени во пижами, на денот на вашата годишнина направете нешто различно, дотерајте се и поставете убава вечера. Однесувајте се како да се наоѓате во вашиот омилен ресторан. Згответе вкусна вечера и запалете неколку свеќи. Ако е можно, можете дури и да нарачате храна од омилениот ресторан и да ја ставите во интересни чинии.


3. Трансформирајте го вашиот простор
Промената на сценографијата може да ви го промени расположение, особено ако изминатите неколку недели престојувате дома. Поврзувањето помеѓу партнерите е најсилно за време на периодите на креативност и смеа, а трансформацијата на вашиот простор е само еден од неколкуте начини на кои можете да го направите вашиот дом да изгледа како да сте на некое друго место. Можете да наместите еден куп перници и да поставите светла за да го подобрите расположението. Ова е забавен начин да одите на кампување во удобноста на вашиот дом.
4. Играјте игра што ја отсликува вашата врска
Годишнините се одличен начин да прославите колку далеку сте стигнале вие и вашиот партнер. Играјте лов на богатство и поставете патокази низ целиот дом. Можете да поставите безброј прашања чиишто одговори ќе ве потсетат на сите убави моменти што сте ги поминале заедно.
5. Поврзете се со партнерот
Без разлика дали ќе се дотерате како да сте на вечера во некој ресторан или ќе ја поминете ноќта со прегратки и гледање на омилениот филм, важно е да бидете присутни. Научете нешто ново за вашиот партнер и поврзете се уште подлабоко.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.