Како изгледа кога тато е болен, а како изгледа кога мама е болна?

Велат дека мажите многу потешко се справуваат со настинки и болести, па затоа денес прочитајте една хумористична споредба за тоа како изгледа кога жената ќе се разболи, а како мажот, видено низ очите на едно дете.
Кога тато е болен:
Има болки во грлото, му се прави чај и му се дава мед. Можеби ќе добие и Септолете.
Има грип и мора да одлежи барем неколку денови. Ако работата е посериозна, ќе отиде на доктор после неколку дена убедувања.


Го боли грбот па не смее да крева ништо тешко. Се препорачува лежање, греење на болното место и одмор во секоја смисла.
Многу често е исцрпен од работа, па му се препорачува нешто слично како и кога го боли грбот.
Загрижените роднини, особено блиските, а најмногу мама, му се јавуваат на телефон или доаѓаат лично да го проверат. Болеста кај мажот е семеен колапс, иако сѐ во семејството и натаму функционира, само вие дополнително варите чај, ставате облоги, масирате, и сл.
Кога мама е болна:
Тогаш тоа сигурно е од стрес или можеби ПМС.
Боледува од штитна жлезда која лесно се лечи.
Роднините, поблиските, а особено мама, не се загрижени, само констатираат во која година им се случило тоа и на нив. Ако е порано од вашите години, тогаш имате среќа. Ако е после, тогаш вие сте на вашиот татко.
Боледувањето на мама не е семеен колапс и исто така не го прекинува семејното функционирање.
Докторе, има ли спас за нас?

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.