Кинеската амбасада во Канада соопшти дека пристапот на Отава ја загрозува регионалната стабилност и мир и ги повика властите да престанат со политичките манипулации.
Одредени западни земји, кои го поткопуваат меѓународниот поредок и суверенитет на другите земји, се реални светски сили кои го загрозуваат светскиот мир, а Канада во оваа смисла одигра срамна улога, соопшти Амбасадата на Народна Република Кина во Канада.
Дипломатската мисија реагираше на објавувањето на канадската индо-пацифичка стратегија, во која се вели дека Кина е „нарушувачка светска сила“ која сака да го обликува меѓународниот поредок во согласност со „интересите и вредностите кои се повеќе се разликуваат од нашите“, што е зошто Канада најавува поголемо воено и разузнавачко присуство во регионот.
Кина силно ги отфрла ваквите наводи и клеветнички оценки кои беа дадени за неа во канадската стратегија, изјави портпаролот на амбасадата, а пренесува „Глобал тајмс“.
Тој посочи дека Канада на сосема погрешен начин ја толкува домашната и меѓународната политика на Кина и дека е на погрешен пат кога зборува за раководството на кинеската комунистичка партија, загрозување на кинеските национални интереси и предизвикување геополитички конфликти во регионот.
„Деновите кога западните земји даваа наредби на земјите во развој одамна поминаа. Кина нема да толерира никакво надворешно мешање во прашањата поврзани со Тајван, Хонг Конг и регионот Ксинџијанг“, нагласуваат од кинеската амбасада.
Обидите да се одвои кинеската влада од нејзиниот народ само го открива незнаењето на Канада за Кина и се осудени на неуспех.
Од Канада се повикува да престане да го саботира регионалниот мир и стабилност и да престане со политичко манипулирање со прашањата поврзани со Кина.
„Во спротивно, ќе се соочат со срамен неуспех и силни контрамерки од кинеска страна“, изјавија од дипломатското претставништво.
Пронајдете не на следниве мрежи:
