Во вчерашниот грабеж во експозитура на НЛБ Банка во Чаир се украдени 150.000 евра. Од банката соопштуваат дека тројцата повредени се во добра состојба и се пуштени на домашно лекување.
– По вчерашниот вооружен грабеж што се случи во 10 часот и 36 минути во експозитурата на НЛБ Банка во Чаир, би сакале да ве информираме дека клиентите и вработените на Банката се безбедни и во добра состојба. Двајцата вработени во експозитурата кои беа полесно повредени се пуштени на домашно лекување. Дополнително работникот на обезбедување кој, исто така, беше повреден при грабежот по укажаната лекарска помош е добро и е пуштен на домашно лекување, соопштија од НЛБ Тутунска.
Ограбената експозитура во Чаир ќе продолжи со работа од утре, 17 април.
Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.