Вечната дилема колку често да се пере ова парче облека конечно е решена
Секој што ќе купи парче облека очекува да извлече максимум од тоа, дека ќе трае и дека нема да бара премногу напор околу одржувањето. Ова е особено точно за жените, а вечната дилема е колку често треба да се пере.
– И покрај популарниот мит што кружи на Интернет дека фармерките може да се мијат по шест недели носење, треба да ги измиете по три недели ако претходно не ги извалкате. Ако ги носите подолго од тоа, во облеката почнуваат да се акумулираат пот, бактерии и мртви клетки на кожата – вели експертот за перење Дејан Димитров, директор на фабрика што се бави со производство на истите.
Тој додава дека перењето фармерки по секое трето носење ќе го задржи ова парче облека свежо и ќе спречи да изгуби форма.
Експертот за чистење Џојс Фенч вели дека, од друга страна, некои луѓе прават грешки и премногу често ги мијат фармерките.
– Треба да ги перете умерено. Ако ги миете премногу често, ги уништувате. Тексасот е подебел материјал, така што може да има повеќе носења помеѓу перењата – рече таа, додавајќи дека не треба да се мијат во топла вода и да се сушат во машина за сушење.
„Поради тоа, фармерките можат да ја изгубат растегливоста“, вели таа.
Како да се перат фармерки
Секогаш превртувајте ги фармерките наопаку пред да ги ставите во машината за перење. Ова помага да се намали абразијата што предизвикува избледување на материјалот, како и абењето што прво се гледа на рабовите.
Исто така, закопчајте ги фармерките, како и џебовите на нив – доколку ги има, бидејќи на тој начин ќе ја зачуваат вистинската форма.
За моделите што се искинати, имаат дупки или исечени ногавици, прицврстете ги таквите делови со безопасна, бидејќи тоа ќе им помогне на фармерките да не „се трошат“ повеќе отколку што треба, а дупките да не се рашират и да се искинат.
Користете детергент дизајниран за зачувување на бојата. Таквите производи содржат состојки кои им помагаат на ткаенините да ја задржат бојата и да го деактивираат хлорот во водата, што може да ги избледи боите.
Перете ги фармерките на пониски температури и, доколку вашата машина дозволува, на програма за чувствителна ткаенина.
