Косово воведе полициски час, влез во земјата со тест или сертификат

Владата на Косово одобри нови мерки против Ковид-19, кои ќе стапат на сила утре, а една од главните е ограничувањето на движењето по 22 часот, пренесува Коха.
На седницата на Владата, премиерот Албин Курти рече дека институциите се должни да ги заострат мерките за да спречат понатамошно ширење на вирусот.
Според новите мерки, угостителските објекти ќе работат со скратено работно време – до 22,30 часот, и тоа само на отворено, а почетокот на новата учебна година се одложува за 13 септември.
Граѓаните што влегуваат во Косово ќе треба да достават доказ за вакцинација, ПЦР тест направен во последните 72 часа или серолошки тест направен во последните 30 дена, без оглед на националноста. Во спротивно, тие ќе мора да бидат во изолација седум дена.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.