Косовскиот премиер Албин Курти заедно со министерот за здравство Арбен Витиа изврши увид во работите на изградба на клиники за хемато-онкологија и нефрологија и во таа прилика посочи дека граѓаните повеќе нема да мора да одат во странство за третман, пренесува Репортери.
Курти рече дека со овој проект вреден 4,3 милиони евра граѓаните ќе добиваат услуги по највисоки здравствени стандарди.

„Изградбата на клиники за нефрологија и хемато-онкологија во Клиничкиот центар е многу важен проект вреден 4,3 милиони евра. Граѓаните и досега наместо да одат на лекување во болница размислуваа со која авиокомпанија ќе патуваат во странство. Сега ќе има пристап до нови услуги, кои во моментов не се достапни кај нас“, рече Курти.