За време на студените месеци, важно е да му ги дадете на организмот сите потребни витамини и минерали, и нема подобар начин да го направите ова од вкусната кремска супа. Карфиолот е еден од зеленчуците што никогаш не треба да го исфрлате од вашето мени, бидејќи содржи малку калории и е богат со хранливи материи што ги посакува вашето тело. Подолу ви донесовме едноставен рецепт за супа од карфиол и крем од горгонзола што нема да ве држи долго во кујната.
Карфиолот има голема хранлива вредност. Тој е одличен извор на витамин Ц, а има и витамини А, Е, К и Б групи. Покрај минерали и витамини, карфиолот е богат и со други важни состојки – антиоксиданти и фитохемикалии.
РЕЦЕПТ
Состојки:
800 гр карфиол
0,5 л млеко
0,5 л вода
лажичка сенф
2 лажички маслиново масло
100 гр крем за готвење
1/3 чаша горгонзола
сол и црн пипер
Постапка:
Во тенџере ставете 800 гр цвеќе од карфиол, половина литар млеко, половина литар вода и една лажица сенф и додадете сол и бибер. Гответе сè заедно на тивок оган околу дваесет минути.
Оставете ја добиената супа малку да се излади, а потоа добро исечкајте ги сите состојки. Додадете уште половина чаша крем за готвење во супата, промешајте и повторно зовријте.
За да ја завршите супата, додадете две лажици маслиново масло и горгонзола исечена на ленти. Добар апетит!
