Салатата со киноа и зеленчук е идеална за вечера, бидејќи намирниците кои се наоѓаат во неа се богат извор на магнезиум и минерали кои се неопходни за добар сон.
Магнезиумот делува така што ја зголемува гама-аминобутерната киселина во мозокот која го „забавува“ размислувањето и помага да заспиете. Ако немате семки од тиква, можете да додадете семки од сончоглед или бадеми.
Потребни состојки:
- 1 шолја киноа
- 1 тиквичка
- неколку перца млад кромид
- 1 морков
- 1 лимон
- малку магдонос
- сол, бибер, маслиново масло
- 2 лажици семки од тиква
Начин на подготовка:
Измијте ја киноата, а потоа оставете ја да отстои во вода неколку часа, притоа менувајќи ја водата неколку пати. Внимавајте зрната да бидат целосно покриени. Во меѓувреме сварете ги тиквичката и морковот (ако сакате, можете да ги додадете и свежи).
Потоа, киноата варете ја во вода во која ќе додадете малку сол, околу 15 минути. Процедете и оставете да се излади, а потоа зачинете по вкус и додајте сок од 1 лимон во неа.
Младиот кромид и магдоносот ситно исечкајте го. Во поголем сад добро промешајте ги сите состојки, додајте малку маслиново масло и зачини по желба.
Пронајдете не на следниве мрежи:
