Илон Маск побара претседателот Трамп да биде отповикан, односно да му биде изгласан импичмент. Тензијата меѓу Маск и Трамп ескалираше во тотална војна на нивните платформи на социјалните мрежи.
Двајцата мажи разменија критики неколку часа во четврток попладне, при што Маск во еден момент сугерираше дека Трамп ги крие документите поврзани со мрежата на сексуална трговија на Џефри Епштајн затоа што самиот претседател бил вмешан во нив. Трамп возврати на низата објави на Маск нарекувајќи го „луд“ и предлагајќи неговите владини договори и субвенции да бидат откажани.
Се очекува завојуваните страни да разговараат по телефон подоцна во петок откако помошниците во Белата куќа закажаа повик, објави Политико. Непријателството во четврток избувна откако Трамп реле дека е „многу разочаран“ од својот поранешен советник, кој ја напушти работата како раководител на Одделот за владина ефикасност минатата недела по пријателската заедничка прес-конференција во Белата куќа.
