Лидерот на ДПА, Мендух Тачи вчера околу 19.30 часот на патот Кичево – Охрид доживеал сообраќајна несреќа. 
Несреќата, според досега објавените информации, се случила синоќа кога Тачи во близина на Охрид со автомобил се враќал од Тирана, а од патот излетал на десетина километри од Охрид во близина на Охридскиот аеродром.
Во возилото во кое Тачи имал и сопатник излетало од коловозот и удрило во бетонски столб за вода, но за среќа и двајцата поминале без повреди, а причинета е само материјална штета.Причините за сообраќајната несреќа за сега не се познати.
Тачи имаше сообраќајна несреќа и пред 7 години кога со службениот автомобил излета на патот Тетово – Гостивар.
