Министрите за внатрешни работи и за правда ќе се состанат во четврток во Брисел. Првата точка на нивниот дневен ред е приемот на Бугарија, Романија и Хрватска во Шенген. Сепак, едногласна одлука има само за Хрватска. Бугарија и Романија добија „не“ од неколку земји, Бугарија слушна „не сега“ од Холандија и Австрија, а Романија – од Австрија и Шведска.

Заради напорите на чешкото претседателство утре на Советот за правда и внатрешни работи мора да се гласа за членството на Бугарија. Министрите за внатрешни работи и за правда ќе гласаат за две одлуки – едната за прием на Бугарија и Романија, а другата – за Хрватска – земја која многу подоцна влезе во Европската унија. За да може Бугарија да стане дел од Шенген зоната, неопходна е едногласна одлука.

Изданието „Еурактив“ се повикува на неофицијални информации дека Бугарија може како контрамерка да ја блокира холандската кандидатура за шеф на европската гранична агенција „Фронтекс“. Впрочем, погледите се насочени кон утрешниот ден, но вчера претседателот Румен Радев зборуваше за можно прифаќање следната година. Можно е дури и оваа точка да испадне од дневниот ред на Советот поради огромната тензија што ја предизвика во последните денови, особено поради идејата за одвојување на Бугарија од Романија при гласањето, јавува Нова ТВ.