Потребни состојки за 3 лица:
-9 парчиња стар леб
-2 јајца
-150 мл млеко
-сол, оригано, босилек
-200 г шунка
-150 г кашкавал
-50 г моцарела
-малку кечап
-маслиново масло
Начин на подготовка:
Исечете го лебот на парчиња. Изматете јајца и млеко, додадете сол и бибер.
На плех ставете хартија за печење. Наредете ги парчињата леб и на секое парче со лажица распоредете од смесата со јајца и млеко. Вака лебот од внатре ќе омекне, а надвор ќе остане крцкав.
Ставете од шунката и кашкавалот, потоа додадете кечап и посипете го секое лепче со оригано и босилек.
Печете во претходно загреана рерна на 200 степени 10 до 15 минути.
