Мицотакис прими трета доза од вакцината

Речиси девет месеци по ревакцинацијата, грчкиот премиер Кирјакос Мицотакис, денеска прими трета доза од вакцината против Ковид-19 и ги повика граѓаните да го сторат истото, особено оние кои воопшто не се вакцинирани, истакнувајќи дека сега веќе фактите „не дозволуваат никаков сомнеж за ефикасноста и безбедноста на вакцината“, јави дописничката на МИА од Атина.
-Девет од десет наши сограѓани кои и денес се приклучени на апарати се невакцинирани, а многу голем број наши сограѓани кои секојдневно ги губат животите, исто така се невакцинирани. Ајде конечно да ги послушаме научниците. Да ги погледнеме вистинските податоци. Сите да побрзаме да се вакцинираме за дополнително да ја зголемиме стапката на вакцинација во нашата земја во целина. Пред сѐ и над сѐ да си се ​​заштитиме самите и оние што ги сакаме и општеството, рече Мицотакис откако се вакцинираше.
Трета доза, во петокот прими и претседателката на Грција Катерина Сакеларопулу, која заедно со Мицотакис се вакцинираше на првиот ден од процесот на имунизација во земјата, на 27 декември 2020 година, а ревакцинацијата беше три седмици подоцна.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.