Министерството за надворешни работи на Русија издаде соопштение во врска со израелскиот напад во Либан, за време на кој ракета падна недалеку од новинарската екипа на каналот „Раша тудеј“.
Во оваа прилика, портпаролката на министерството, Марија Захарова, нагласи дека го поканиле израелскиот амбасадор на разговори во Москва.
„Руската страна има намера да ја презентира својата проценка за инцидентот на израелскиот амбасадор во Москва, кој наскоро ќе биде поканет во руското Министерство за надворешни работи“, рече Захарова.
Зборувајќи за самиот напад, Захарова рече дека тој бил насочен.
„Околностите укажуваат дека нападот врз новинарите бил извршен намерно и прецизно, што е потврдено и од снимката од детонацијата на муницијата снимена од камерата“, рече таа.
Таа, исто така, изјави дека биле нападнати невооружени цивили.
„Ракетата ја употребија израелските сили против невооружени цивили, кои, според меѓународното хуманитарно право, се сметаат за рамноправни членови на медиумите“, рече Захарова.
