Актерот Саша Јоксимовиќ неколку пати јавно се огласи поради врсничкото насилство кое го доживеа неговиот син Илија.
Тој се огласи како една од многуте јавни личности кои сочувствуваат со семејствата на децата кои загинаа во Белград, кога тринаесетгодишниот К.К. уб.и осум ученици и чуварот на таа установа во основното училиште „Владислав Рибникар“ .
Како што пренесуваат медиумите, сторителот на масакрот три пати пријавил врсничко насилство, поради што од смена А бил префрлен во смена Б.
Саша во една прилика во јавноста го изнесе проблемот со кој се соочува неговиот син.
Тој три пати бил жртва на врсничко насилство, од деца кои прво го ограбиле, а потоа го полиле со вода.
– Син ми има 13 години, преживеа голем стрес кога врсниците по трет пат го нападнаа во паркот во Врачар. Тоа се малолетници кои ги малтретираат сите деца кои доаѓаат во тој парк. Овој пат ги пресретнале Илија и неговите пријатели, им ги земале парите и ги полиле со вода – рекол актерот.
Инаку Саша Јоксимовиќ минатата година објави јавно дека Илија Јоксимовиќ, неговиот син се нашол во животна опасност, кога негов врсник барал пари, а потоа му се заканил со метална шипка.
Тоа се случило во паркот Чубурац во близина на станот во кој живее актерот со семејството. Бидејќи наследникот му се пожалил и ја раскажал целата приказна, Саша решил да интервенира и да го побара момчето кое се обидело да го повреди синот.
За жал, тоа што тој отишол во одбрана на својот син да поразговара со насилникот, не ја промени многу ситуацијата, па следниот ден Илија повторно се нашол во опасност.
Загрижен, всушност многу исплашен, актерот веднаш побарал помош, па ја споделил целата ситуација со своите следбеници на социјалните мрежи.
– Едно прашање син ми често си игра со другарите во паркот Чубурац. Пред седум дена беше нападнат од дете Ром, кое му се закануваше дека ќе го претепа со „боксови“… а јас веднаш отидов во Чубурац и го најдов со други мали Роми. Син ми го препозна, му приоѓам, му велам дај ми го тој бокс сега, а малиот Ром вели дека се шегувал и дека повеќе нема да се шегува така. Тоа е тоа, денеска повторно помина во Чубурац, син ми беше со другарите во паркот и малиот Ром со уште 30 други, се закануваше, бараше пари, повторно со боксови се закануваше, метални шипки… синот и другарите го напуштија паркот, но тој ,првиот Ром го следеше со метална шипка некое време. Сега, јас не сум расист, познавам многу Роми, но овие се проблематични. Може ли пак да одам во паркот, да му удрам шамар, да ја растерам бандата или е нелегално? Што да се прави? – напиша Јоксимовиќ, тогаш во својата објава и предизвика низа од поделени коментари.
