НАТО ќе побара од Германија да обезбеди уште седум бригади, односно околу 40.000 војници, за одбрана на Алијансата, во рамките на новите цели за вооружување и бројот на војници за кои министрите за одбрана на земјите-членки ќе се договорат следната недела, објави Ројтерс, повикувајќи се на извори.
Неименуван висок воен функционер изјави дека целта за земјите-членки на НАТО во иднина ќе биде да обезбедат помеѓу 120 и 130 бригади.
– Ова би значело зголемување од околу 50 проценти во споредба со моменталната цел од околу 80 бригади по земја-членка – рече изворот.
Портпаролот на Министерството за одбрана во Берлин изјави дека не може да потврди какви одлуки ќе донесат министрите за одбрана на НАТО следната недела, како и лидерите на НАТО на самитот во Холандија на крајот на јуни.
„Покрај тоа, целите за планирање и капацитет на силите на НАТО се доверливи од безбедносни причини“, додаде портпаролот.
Во 2021 година, Германија се согласи да обезбеди десет бригади – единици кои обично бројат околу 5.000 војници – за НАТО до 2030 година, а во моментов има осум бригади и гради деветта во Литванија која ќе биде готова од 2027 година.
