Доколку Кина сака да има добри односи со Западот – мора да престане да и помага на Русија во војната против Украина. Генералниот секретар на НАТО, Јенс Столтенберг ја оценува помошта на Пекинг како помош „од витално значење“ за руските сили.

Тој истакна дека Кина најмногу и помогнала на Русија со тоа што и обезбедила врвна технологија како што се полупроводници.

„Од вкупната количина на електроника што Русија ја има увезено, 90 се од Кина и се користат за производство на ракети, тенкови и авиони. Кина исто така работи на тоа да и обезбеди на Русија подобрени сателитски можности и снимање“, рече Столтенберг.

Тој оцени дека Кина не може да има добри односи „во двете насоки“. Исто така ги предупреди западните сојузници да не станат зависни од Кина како што беа од Русија.