За одговор на прашањето во која насока ќе тргне кризата на доверба во банките на богатите клиенти, треба да почекаме една работна недела за да видиме дали е запрено повлекувањето на депозитите од одредени институции и какви се реакциите на инвеститорите на берзите. Но, во Европа веќе е договорено решение кое треба да ја стабилизира разнишаната доверба на штедачите и инвеститорите на Credit Suisse: најголемата швајцарска банка – UBS – се согласи да го купи Credit Suisse за повеќе од 2 милијарди долари. Швајцарските власти очигледно не губат време да се договорат за преземање на Credit Suisse, која, со серија неодамнешни скандали и деловни неуспеси, го прокоцка најголемиот дел од угледот што го стекна во текот на својата 167-годишна долга историја.

Швајцарците толку брзаа да го исчистат нередот во нивниот двор што регулаторите решија со итни мерки максимално да го скратат процесот на легално преземање. Нивната меѓународна банкарска репутација е доведена во прашање. Според швајцарскиот закон, UBS треба да им даде на акционерите на Credit Suisse шест недели да се консултираат за преземањето, а швајцарските регулатори подготвуваат итни мерки кои ќе овозможат да се заобиколи ова правило, а преземањето би започнало практично веднаш, без гласање на акционерите.

UBS ќе плати повеќе од 0,50 швајцарски франци по акција за Credit Suisse, или 2 пати повеќе од она што тие првично беа подготвени да го понудат. Во исто време, швајцарската народна банка вети дека ќе отвори линија за ликвидност од 100 милијарди долари за UBS, што исто така е формален дел од договорот за спас на Credit Suisse.

UBS е најголемата швајцарска банка која е основана во 1862 година, што значи дека е само 6 години помлада од Credit Suisse, но е далеку поуспешна во последната деценија од својот живот. Ако ги погледнете последните 3 години, можете да видите дека УБС има 120 отсто зголемување на вредноста на акциите, додека Credit Suisse забележа пад од 70 отсто. Од врвот на цената во 2007 година, акционерите на Credit Suisse изгубија 97 отсто од нивната вредност. Минатата година UBS забележа добивка од 7,6 милијарди долари, Credite Suisse загуба од 7,9 милијарди долари. Вкупната актива на UBS надмина 1,1 илјади милијарди долари, додека оценката за вредноста на имотот на Credit Suisse е на ниво од 575 милијарди долари, односно половина од онаа на UBS.

На овој начин, Швајцарија ќе создаде глобална банка од УБС која ќе ги достигне позициите на Дојче банк и Сосиете Женерал по актива, но сепак ќе биде релативно далеку од ТОП 10 банки во светот, каде што минатата година првите четири позиции беа држени од четири кинески банки. Како се промени глобалното комерцијално банкарство доволно говори фактот дека само две американски институции, JP Morgan Chase и Bank of America, остануваат меѓу најголемите.

А што е со кризата во САД?

Зборувајќи за Соединетите Американски Држави, треба да се забележи дека во текот на викендот, прашањето каква улога би можел да има најпознатиот и најуспешен инвеститор на сите времиња, Ворен Бафет, во новата банкарска криза. Блумберг открива дека инвестициската компанија на Бафет, Берксихире Хатавеј, била во контакт со администрацијата на Белата куќа во последните денови. Добро упатените тврдат дека клучна тема на разговор меѓу претставниците на Бафет и тимот на Џо Бајден, била можноста за инвестирање во пропаднати банки и консултации за поправање на ненадејниот неред во американското банкарство. Се добива впечаток дека Белата куќа има големи шанси за договор со Бафет во врска со преземањето, бидејќи милијардерот инвеститор има повеќедецениска историја на купување на имотот на компаниите во стресни ситуации, во кои, без разлика на паниката околу нив, ги препознава темелните вредности.

На крајот на краиштата, Бафет има долга историја на проактивни улоги во различни кризи. Во неколку наврати на сметка на сопствениот профит им помагал и на банките да ги надминат проблемите, за да се обезбеди стабилизација на пазарот. На пример, тој обезбеди голема финансиска инјекција за Bank of America во 2011 година, во 2008 година даде околу 5 милијарди долари на Goldman Sachs за да преживее во виорот што го започна колапсот на Lehman Brothers.