На Шилегов добро му оди. Има нова викендица вредна 55.000 евра

Петре Шилегов, градоначалникот на Скопје, на почетокот од годинава си купил викендица во Маврово. Ни помалку ни повеќе во вредност од 55.000 евра. Викендицата има приземје и спрат, а вкупно со земјиштето има површина од 250 метри квадратни. Шилегов изјави дека информацијата е стара пола година и дека е уредно пријавена во анкетниот лист. Откако станал градоначалник ја земал, нешто после Нова година. Според него куќата е недопраена, треба дополнително да се прави. Според анкетниот лист Шилегов има вкупно четири стана во Скопје, од кои три се на неговата сопруга, а има уште една куќа во Скопје. Поседува уметнички слики од 3 милиони денари, благородни метали од 8 милиони денари, удели и акции. А сега и викендица од 55.000 евра односно околу 3.400.000 денари.
Па со среќа. Само уште да поведевте ред за комарците во Скопје…

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.