На HalkVeloGreen од 233 учесницисе собраа 184.500 денари наменети за пошумување

(Скопје, 22.09.2021) – На хронометар велосипедската трка HalkVeloGreen што Халкбанк АД Скопје ја организираше на 8 Септември, во Маврово, учествуваа 233 велосипедисти кои преку плаќање на котизација дадоа свој придонес за собирање на 184.500 мкд кои се наменети за пошумување на локација каде што има потреба од истото.

Овие средства од котизациите од пријавите за учество во трката, ќе бидат искористени за засадување на нови зелени површини на локации низ Северна Македонија кои ќе бидат дефинирани во соработка со Македонски шуми. Со финансиските средства коишто беа собрани од ланското учество се набавија 8000 дрвја, со што беше направено пошумување во Свети Николе.

Велосипедската трка која по вторпат се одржува во целосна организација на Халкбанк АД Скопје, има за цел да промовира здрави животни навики кај населението и да придонесе кон зачувување на животната средина.

Годинава, за учество во Halk Velo Green за првпат беше воведена категорија за деца од 6 до 12 години кои возеа 12 километри, како и категорија деца од 13 до 17 години кои возеа патека во должина од 22 километри. Додека пак, возрасните лица, како и лани возеа патека во должина од 22 километри во две категории, ПРО и ХОБИ.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.