Со добра причина ја нарекуваат најздрава житарка…
Киноата е всушност псевдо житарица, бидејќи се подготвува, консумира и ги содржи истите хранливи вредности како и житарките, но всушност припаѓа на семејството на трева.
Киноата е богата со многу минерали како магнезиум, манган, железо, бакар, фосфор, цинк, селен, калиум и калциум, кои се неопходни за правилно функционирање на човечкото тело.
Покрај минералите, содржи и големо количество витамини, имено витамини од Б комплексот и витамин Е. Содржи и голема количина на растителни влакна, па имаат корисен ефект врз метаболизмот.
Она што е важно да се спомене е дека киноа ги содржи сите осум аминокиселини кои му се потребни на човекот, за разлика од другите житни култури кои содржат најмногу три, поради што ова растение се смета за „супер храна“.
Еве ги сите лековити својства на киноата:
Може да го регулира холестеролот
Високата концентрација на влакна што ги содржи киноата помагаат да се намали високиот холестерол. Апсорбирачките влакна измешани со жолчна киселина се лачат во организмот и го намалуваат лошиот ЛДЛ холестерол. Луѓето кои страдаат од висок холестерол и треба да го намалат внесувањето на животински протеини, киноата е идеална билна замена за истите.
Го контролира крвниот притисок
Познато е дека калиумот има позитивно влијание врз крвниот притисок. Киноата дефинитивно има повеќе калиум од сите други житни култури, и одржува здрава рамнотежа на натриумот во организмот, што може дополнително да влијае на намалување на високиот крвен притисок.
Помага при слабеење
Влакната и протеините што ги содржи киноа ни даваат енергија, но одржуваат чувство на ситост. Покрај тоа, тие можат да го забрзаат метаболизмот и да ја регулираат работата на дигестивниот тракт.
Може да го намали ризикот од дијабетес
Абсорбентните влакна што ги содржи киноата го контролираат нивото на шеќер во крвта, докажале студиите. Благодарение на фенолна киселина, витамин Е и полисахарид, ќе спречи несакани воспалителни процеси кои се поврзани со ризик од развој на дијабетес тип 2.
