Стотици бродови покрај иранскиот брег одеднаш се појавуваат на сосема погрешни места, а нивните навигациски системи ги прикажуваат на копно, натрупани во совршено неприродни форми.
„О, Боже“, вели Мишел Визе Бокман, виш аналитичар во компанија за поморско разузнавање, додека ги испитува пренесените позиции на трговските бродови во водите на Иран, Обединетите Арапски Емирати и Катар, каде што GPS координатите на стотици бродови се видливо оштетени, криејќи ја нивната вистинска локација.
Војните не се водат само со куршуми и бомби; битката се води и со електромагнетни бранови, пишува Би-Би-Си .
Иако се невидливи за голо око, GPS пречките можат да предизвикаат големи прекини, да ја отежнат комуникацијата и да доведат до потенцијално смртоносни несреќи.
Проблемите со GPS влијаеја и на авионите во Европа и станаа секојдневен дел од војната во Украина.
Сега, со избувнувањето на конфликтот на Блискиот Исток, електронското војување се шири на сè поголеми области.
