Нездравата храна причина за смрт на еден од пет смртни случаи

Еден од пет смртни случаи во светот е поврзан со нездравата храна. Тоа е заклучок на една неодамна спроведена студија, објавена во стручното списание Lancet.
Единаесет милиони смртни случаи ширум светот во 2017 година се поврзани со луѓе кои јаделе храна богата со шеќери, сол и преработено месо, што допринело за срцеви заболувања, рак и дијабетес.
Истражувањето открива дека меѓу 195 испитани земји, уделот на смртни случаи, поврзан со исхраната бил најголем во Узбекистан, а најмал во Израел.
Потрошувачката на здрава храна, како што се ореви и семиња, млеко и житарки, во просек била премногу ниска, а луѓето конзумирале премногу засладени пијалоци, преработено месо и сол. Тоа довело до поврзување на секое петто лице во 2017 година со лоша исхрана.


Истражувањето Global Burden of Disease ги следело трендовите на потрошувачката на 15 прехрамбени производи во период од 1990 до 2017 година. Крис Мареј, директор на Институтот за мерење и проценка на здравје на Универзитетот во Вашингтон, кој го водел ова истражување вели дека истото го потврдува она што многумина го велат последниве години.
“Лошата исхрана е одговорна за повеќе смртни случаи отколку било кој друг ризик фактор на светот”, вели тој.
Истражувањето покажало дека поголемиот дел од луѓето јаделе само 12% од препорачаната количина на ореви и семиња и пиеле 10 пати повеќе од препорачаната количина на пијалоци богати со шеќер. Исхраната богата со шеќери, сол и лоши маснотии се познати ризик фактори за срцеви болести, мозочен удар, дијабетес и рак.
Студијата, објавена во февруари оваа година, покажала дека за идеална исхрана за луѓето да бидат здрави се смета овошјето, мешунки, ореви и семиња, како и преполовен внес на месо и шеќери.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.