Поранешната претседателка на Претставничкиот дом на САД, Ненси Пелоси, се повредила за време на нејзината посета на Луксембург и била примена во болница таму, изјави нејзиниот портпарол Иан Кругер, според „Си-ен-ен“.

Во соопштението, Кругер рече дека 84-годишната Пелоси се здобила со повреда за време на службената должност и била примен во болница за понатамошна евалуација.

Демократката од Калифорнија, според нејзиниот портпарол, добива одлична медицинска нега од лекарите и медицинскиот персонал и продолжува да работи, жалејќи што не може да учествува во преостанатите ангажмани.

Пелоси се повлече од функцијата демократски лидер на Претставничкиот дом во 2023 година, откако републиканците ја вратија контролата врз долниот дом на Конгресот, но продолжува да има големо влијание во партијата. Таа двапати беше претседател на Претставничкиот дом и нашироко се смета за една од најефикасните функционери на таа позиција во модерната историја на Конгресот.