Сигурно ви останале многу варени јајца, шунка, месо и друга храна од Велигден. Не го фрлајте, туку од остатоците направете нови јадења.
Извадете ја лушпата од варените јајца, исечкајте ги на парчиња и направете салата со аспарагус, пиперки, пченка, парчиња печено месо и тестенини.
Од преостанатата шунка можете да направите солени палачинки – испечете класични палачинки, потоа намачкајте ги со намаз од сирење, додадете шунка, рендано сирење, ролат и прелијте со павлака за готвење. Печете ги палачинките 15 минути на 200 степени.
Ако ви останале печени или варени компири, направете крокети, така што ќе ги исечкате компирите, додадете брашно, лебни трошки, јајце, млеко и зачини.
Крокетите обликувајте ги и испржете ги во масло или испечете ги во рерна доколку сакате малку поздрава варијанта.
