16-годишно девојче од Перт почина откако беше нападнато од ајкула во реката Свон во Северен Фремантл, Австралија. Оваа трагедија е прв ваков фатален напад на ајкула во последните 100 години.

Девојчето околу 15 часот и 30 минути било извлечено од реката кај сообраќајниот мост откако се здобила со тешки повреди на ногата. Неколку екипи беа на теренот кои се обидуваа да и помогнат, но безуспешно.

УЖАС! АЈКУЛАТА ВЛЕТА ВО ПЛИТКОТО! Луѓето панично бегаат од водата, СТРАШНИ СЦЕНИ од плажата во Алабама

Полицијата верува дека тинејџерката пред нападот се возела на џет ски со пријателите, кога скокнала во водата откако забележала делфини, пишува „Перт сега“.

Сведоците рекоа дека виделе маж како скока во реката за да и помогне на тинејџерка и го опишаа како „херој“.

Ова е само трет напад на ајкула во реката Свон во последните 50 години.

Допрва треба да се утврди каков тип на ајкула учествувал во нападот, но се верува дека станува збор за бик-ајкула. Еден од упатените изјави за медиумите дека неодамна почнал да гледа многу бикови ајкули во реката и дека се приближуваат до брегот.

Пронајдете не на следниве мрежи:

• 
• 
• 
• 
• 
• 

©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.