Издавачката куќа „Арс Ламина“ и Движењето за поддршка на креативноста „Иво Лауренчиќ“ – „Браво сине!“ започнаа нов проект насловен како едиција Вистински бајки од Македонија, имајќи за цел да создадат трајни културни вредности и да ја промовираат македонската култура. Новата едиција е инспирирана од историски личности кои имаат значително влијание врз нашето општество. По успешното објавување на „Бајки од Македонија“ и „Нови бајки од Македонија“, заедно со партнерите продолживме со истражување на нови креативни можности кои имаат за цел да остават долготраен печат во македонската култура. Со оваа нова едиција, не само што се продолжува традицијата, туку и се испраќа значајна порака до младите генерации, покажувајќи дека бајките не се само измислени приказни, туку дека често се базирани на реални личности и нивните дела. Ангелка Пеева-Лауренчиќ, член на управниот одбор на Движењето „Иво Лауренчиќ“, изрази посветеност за понатамошно зајакнување на македонската културна сцена.
Серијата започна со првите четири книги посветени на животот и делото на Блаже Конески, Мајка Тереза, Браќата Манаки и Марко Цепенков. Овие книги се литературно илустрирани биографии за деца над шестгодишна возраст, со цел да ги запознаат со важни историски личности и да ги охрабрат да го негуваат споменот за нив. Овие личности се вистински херои, чијшто идеали и вредности не се само универзални и општочовечки, туку и клучни за развојот на македонската култура. Како израз на почит и љубов кон наредните генерации, битно е овие историски дејци да се чествуваат во вакви публикации, посочи Бранка Бугариска, директорка на издаваштвото во „Арс Ламина“.
Во процесот на создавање на овие биографии се користеа веродостојни извори што ја потврдуваат нивната автентичност. Државниот архив, Архивот „Харалампие Поленаковиќ“ при МАНУ, Институтот за фолклор „Марко Цепенков“ и НУ Спомен-куќата на Мајка Тереза го обезбедија потребниот материјал за илустрации и истражување. Бисера Бендевска, уредник во „Арс Ламина“, ја презеде одговорноста за истражувањето и собирањето на материјалите, додека илустраторката Кристина Карапеоска ги оживеа овие приказни преку своите илустрации.
Во рамките на претходната соработка помеѓу „Арс Ламина“ и Движењето „Иво Лауренчиќ“, досега се издадени 80 бајки од Македонија и четири басни. На јавните конкурси за создавање на овие дела учествуваа повеќе од 100 дизајнери-илустратори и 313 автори, кои понудија 442 текстови за новите изданија на „Современи бајки од Македонија“. Некои од овие изданија се преведени на седум јазици, вклучително и Брајово писмо, и се наградени со меѓународни признанија. Движењето „Иво Лауренчиќ“ носи името на пионерот на современата македонска креативна и маркетинг индустрија, кој несебично ги поддржуваше младите и ја стимулираше нивната креативност.
The post Нова издание од „Арс Ламина“ и „Браво сине!“ appeared first on 365.mk.
