Шест лица се обвинети за добивање брзи кредити на туѓо име, откако фалсификувале податоци од Агенцијата за вработување, додека вработен во Фондот за здравствено осигурување им дал единствени здравствени броеви за осигурени лица, соопшти Основното јавно обвинителство во Скопje.
Лицата ќе одговараат за фалсификување документи и злоупотреба на лични податоци и компјутерски криминал, додека против вкупно 33 лица е поднесен предлог за издавање кривична наредба до надлежниот суд за компјутерска измама.
Како што објави Обвинителството, обвинетите внеле лажни податоци во информациските системи на неколку финансиски компании, предизвикувајќи лажни резултати при обработката и електронското пренесување на податоците од страна на Агенцијата за вработување.
Во ова им помогнал еден од нив, вработен во Фондот за здравствено осигурување на Република Македонија, кој им дал E3БО број што претходно го добил преку својот компјутер од електронскиот систем на Фондот. Тие користеле лажни документи и ги злоупотребувале личните податоци на оштетените лица, додека на нивно име подигале брзи кредити од финансиски компании.
„Целта на обвинетите била секој од нив да се стекне со нелегално богатство. Четворица од нив, преку вакви дејствија во периодот од февруари 2023 до јуни 2024 година, се стекнале со паричен износ од 2,5 милиони денари, додека останатите, во текот на 2022 и 2023 година, се стекнале со нелегално богатство во вкупен износ од дополнителни 659.500 денари. За четири лица кои биле вклучени во истражната постапка, јавниот обвинител донел решение за прекин на истрагата, за двајца од кои не биле обезбедени докази дека учествувале во оваа измамничка шема, додека двајца починале во меѓувреме“, се наведува во соопштението на Обвинителството.
Пронајдете не на следниве мрежи:
