Првата дама на САД, Меланија Трамп, не се согласи со тоа еден од најпознатите соработници на нејзиниот сопруг да спие во Белата куќа, но на крајот беше надгласана.
Според новата книга од истакнатите новинари на „Њујорк тајмс“, Меги Хаберман и Џонатан Свон, тоа е Илон Маск.
Додека Маск беше на чело на владиниот комитет на DOGA, тој побара од Доналд Трамп дозвола да спие во Белата куќа. Трамп се согласи, но Меланија се спротивстави. И покрај нејзините приговори, Маск помина неколку ноќи во претседателската резиденција.
Во книгата се наведува дека Маск поминал неколку ноќи во куќата на еден пријател, а понекогаш спиел во вреќа за спиење на подот од својата канцеларија.
Маск подоцна се пофали со тие престои пред печатот. Тој рече дека Трамп лично го поканил за време на летот со претседателскиот авион „Ер Форс Уан“ и му направил приватна тура низ Белата куќа, вклучувајќи ја и познатата спална соба на Линколн.
Маск го опиша Трамп како многу дарежлив домаќин кој дури и му праќал пораки доцна во ноќта за да земе сладолед од кујната.
Овој детаљ е само еден во низата откритија за динамичната, но честопати затегната врска меѓу Доналд Трамп и Меланија Трамп.
Според авторите, сопружниците спијат во одделни спални соби, а меѓу нив се воделе и помали „битки“ околу дизајнот на ентериерот, објавува „Индипендент“, повикувајќи се на „Дејли бист“.
The post Ова е единствената личност на која Меланија не и дозволи да преспие во Белата куќа? Зборот на Трамп, сепак, беше последен appeared first on Во Центар.
