Иако секое куче може да покаже исклучителна наклонетост кон своите сопственици, одредени раси развиле природни инстинкти за заштита, територијалност и чување низ вековите.
Експертите за однесување на животните истакнуваат дека добро куче чувар не мора да значи агресивно куче, туку куче кое поседува висока интелигенција, смиреност под притисок и способност за препознавање на реална опасност.
Германскиот овчар е на самиот врв на листата на кучиња за помош и одбрана низ целиот свет со причина. Познати по својата исклучителна интелигенција, брзо учење и непоколеблива лојалност, овие кучиња се природно заштитнички настроени кон своето „чопорче“.
Негови главни карактеристики се висока интелигенција, смиреност, лесен и брз тренинг. Идеален е за активни семејства кои имаат време да се посветат на тренинг и секојдневна физичка активност.
Ротвајлер – И покрај вообичаените предрасуди, добро одгледаниот ротвајлер е смирен, сигурен и исклучително лојален на своето семејство. Самото негово присуство е често доволно за да ги одврати непоканетите гости, додека неговиот силен заштитнички инстинкт стапува на сцена штом ќе почувствува дека неговите сопственици се загрозени.
Ротфајлерите имаат потреба од цврста, но фер рака уште од рана возраст и навремена социјализација, за да може нивниот заштитнички инстинкт да биде правилно насочен.
Доберманот е раса специјално одгледувана за заштита. Овие кучиња се екстремно брзи, атлетски настроени и имаат непогрешливо чувство за околината. Тие се многу приврзани за своите сопственици и често го следат секој нивни потег, поради што го добиле прекарот „кучиња од сенка“.
Кенолозите предупредуваат дека самиот избор на раса не гарантира дека кучето ќе биде идеален заштитник без соодветен напор од сопственикот.
Неправилното воспитување, изолацијата или занемарувањето можат да доведат до непожелно однесување и вознемиреност. Заштитниот инстинкт мора да биде придружен со основна социјализација уште од мала возраст – кучето мора да научи да разликува секојдневни ситуации (како што е доаѓањето на поштарот или пријателот) од реална закана.
The post Ова се расите на кучиња кои се сметаат за најдобри заштитници appeared first on Во Центар.
