среда, 18 ноември 2026
Најново

Откажана посетата на Лавров на Белград. Нема како да стигне до таму

Претпочитан извор Додај го Пулс24 во твоите извори на Google Додај

Посетата на рускиот министер за надворешни работи Сергеј Лавров на Србија беше откажана откако околните земји го затворија својот воздушен простор за неговиот авион, изјави извор од руското Министерство за надворешни работи за новинската агенција Интерфакс, пренесува Ројтерс.

Откажана посетата на Лавров на Белград. Нема како да стигне до таму

И нашата држава излезе со идентичен став.

ПУЛС24.МК - 14 ГОДИНИ

Од Министерството за надворешни работи во Скопје за Радио Слободна Европа потврдија дека Северна Македонија го одбила барањето на руската амбасада да се прелета авионот на рускиот министер за надворешни работи Сергеј Лавров низ воздушниот простор на таа земја.

Изворот го потврди пишувањето на српските медиуми кои наведуваат дека Бугарија, Северна Македонија и Црна Гора го затвориле својот воздушен простор за авионот што требало да го превезе рускиот дипломат во Белград.

„Нашата дипломатија допрва треба да ја измисли телепортацијата“, рече изворот, според Ројтерс.

Црна Гора, Бугарија и Северна Македонија го забранија летот на руски владини авиони преку нивниот воздушен простор, пред најавената посета на Лавров на Србија, објави Спутник, што за медиумите го потврди и портпаролката на МНР Марија Захарова.

Одбивањето на голем број европски земји да пуштат авион со рускиот министер за надворешни работи Сергеј Лавров во Србија е показател за комплекс на политичка инфериорност, изјави претседателот на меѓународниот комитет на Советот на Руската Федерација, Григориј Карасин, РИА Новости.

Поврзани вести