Со Венецуела управува легитимна влада со поддршка од народот, изјави денес привремената претседателка на Венецуела, Делси Родригез, по објавата на американскиот претседател Доналд Трамп на социјалната мрежа „Трут соушл“ (Truth Social) во која се нарече себеси вршител на должноста претседател на латиноамериканската земја.

„Венецуела има влада која ја води земјата. Постои овластен претседател и има претседател кого САД го држат како заложник, а ние управуваме заедно со организиран народ… И напредуваме во почитувачките меѓународни односи во рамките на меѓународното право за да ги одржиме и заштитиме правата на нашата сакана Венецуела“, рече Родригез, според венецуелската државна телевизија ВТВ.

Претходно, Трамп објави снимка од екранот на која е прикажана монтажа од биографија на Википедија која го идентификува како „привремен претседател на Венецуела“, позиција на која наводно бил назначен во јануари 2026 година.

Трамп, исто така, ја задржа својата сегашна титула претседател на Соединетите Американски Држави.