Руските сили тврдат дека го освоиле селото Ниу-Јорк во источна Украина како дел од нивното напредување во регионот на Доњецк, пишува Дејли Телеграф.

Министерството за одбрана на Руската Федерација тврди дека ја окупирале „една од најголемите населби во агломерацијата Торецк“, нагласувајќи дека станува збор за „стратешки важен логистички центар“.

Ниу-Јорк, познат и како Њујорк, се наоѓа јужно од Торецк, голем индустриски град кој стана фокусна точка на неуморниот напредок на Русија на источниот фронт.

Украинскиот генерал Олександр Сирски изјави во понеделникот дека Украина „прави сè што е потребно“ за да го заштити Торецк, откако Русија тврдеше дека го освоила блискиот град Зализне. Руската агениција РИА Новости потврди дека Русија го зазеде Њујорк или како што го нарекуваат Новгородско.

Тие наведуваат дека украинските власти го преименувале градот во Њујорк во 2021 година како дел од политиката на дерусификација.