„Те сакам“, можеби звучи едноставно да се каже, но не секој може да го изговори тоа. Многумина не се добри во искажувањето емоции, но овие знаци ќе ви откријат дали вашата девојка е вљубена во вас.
Ве става во прв план
Можеби таа не ви кажува дека ве сака и не ви испраќа романтични пораки, но, ако го искористува слободното време за да излезе со вас, бидете сигурни дека ве сака.
Зборува за заедничката иднина
Иднината ја планираме само со оние кои ги сакаме, па ако вашата девојка често зборува за заедничката иднина, нема поголем показател и доказ за нејзината љубов. Дури и ако не ви говори често дека ве сака, тоа го покажува делејќи ги нејзините соништа со нас.
Ве запознава со пријателите и семејството
Со семејството и пријателите ги запознаваме само оние кои вистински ги сакаме и љубовната врска ја сфаќаме сериозно. Доколку сака да ве запознае со најблиските, тоа е добар знак.
Ги споделува тајните и најдлабоки стравови со вас
Лесно е да се споделат позитивни спомени со пријателите, но никој не сака да ги сподели најдлабоките стравови со луѓе на кои не им веруваат. Ако ги знаете тајните и најдлабоките стравови на вашата девојка, тогаш знајте сте во нејзиното срце. Ако таа може да разговара со вас за нејзините слаби страни, нема потреба да каже дека ве сака.
Сака да бидете подобри
Ако сте изненадени од нејзината конструктивна критика, постојаниот напор да ги подобрите вашите недостатоци, таа се обидува да ве охрабри да станете подобра личност. Лесно е да се најде некој кој ќе ви го кажува она што ви годи, но личноста која ризикува да ѝ се налутите укажувајќи на вашите слабости, го прави тоа само затоа што ве сака.
