Потребни состојки:
– 700 гр пилешки гради
– 2 гранчиња рузмарин
– 1 чешне лук
– 2 пиперки
– 1 страк праз
– 1 зелена тиквичка
– сок од еден портокал
– маслиново масло
– сол, бибер
Подготовка:
Исечете го месото на коцки, додадете сол и бибер по вкус и малку масло.
Одвојте ги лисјата рузмарин од гранчињата и исечкајте ги ситно.
Измијте го и исчистете го зеленчукот. Пиперките и тиквичките исечкајте ги на парчиња, а празот на прстени.
Гответе го месото на добро загреана грил тава. Извадете го на чинија и чувајте го топло.
Потоа загрејте го маслиновото масло во длабока тава и испржете ги лукот и рузмаринот. Прво додајте ги пиперките и оставете да се крчка околу пет минути на среден оган, често мешајќи.
Потоа додадете го празот и оставете да крчка уште пет минути. Промешајте ги тиквичките и месото на крајот и така оставете го јадењето да крчка околу три минути.
Додадете сол, исцедениот сок од портокал, па нека крчка додека не испари течноста.
На здравје!
