И денес на повеќе места низ Македонија се активни неколку пожари, а екипите се константно на терен и се борат со пламените јазици, информираат од Дирекцијата за заштита и спасување.
Поради непристапноста на теренот, во Крушево се интервенира и со специјализираната воздухопловна единица при ДЗС, за гаснење на пожарот во планинските предели на Крушево и во околните села.
Од ДЗС апелираат за совесно однесување на населението и придржување кон забраната за движење во шуми и шумски подрачја со цел спречување пожари во нив, како и активно вклучување на сите институции како на локално, така на централно ниво во заштита на шумите и природните ресурси на земјава.
