Попладне почнува неколкудневно невреме со пороен дожд и грмежи

Времето денеска ќе биде променливо облачно со умерен до засилен ветер од југоисточен правец, особено изразен долж Повардарието и во Пелагонија. Попладне, почнувајќи од запад, со врнежи од дожд, локално поројни врнежи проследени со грмежи. Минималната температура ќе биде помеѓу 5 и 13, а максималната ќе достигне од 17 до 25 степени.


Во Скопје умерено до значително облачно со умерен југоисточен ветер. Попладне со локален пороен дожд. Температурата ќе се движи од 10 до 24 степени.
Под влијание на серија влажни бранови утре попладне и во наредните денови времето ќе биде претежно облачно и нестабилно, на повеќе места со обилни врнежи од дожд (над 50 л/м2, а во крајните западни и југоисточни делови и над 70 л/м2 за целиот период). Локално процесите ќе бидат во форма на невреме со грмежи, засилен ветер и појава на град.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.