Полицијата во американската сојузна држава Вирџинија го засили своето присуство на клучни цели во областите во непосредна близина на главниот град на САД поради потенцијалната закана од терористичката група Исламска држава (ИД), јави синоќа телевизијата CBS.
Заострувањето на безбедносните мерки го потврди и самата полиција.
– Го зајакнавме нашето полициско присуство во целиот округ, вклучувајќи ги главните булевари и трговските центри, рече Кевин Дејвис, началник на полицијата во округот Ферфакс, јужно од главниот град на САД.
Според телевизијата, засилени безбедносни мерки ќе бидат во сила најмалку во текот на викендов, кога САД го слават Халовин (Ноќта на вештерките), како и пред изборите за гувернер во Вирџинија, кои ќе се одржат на 2 ноември.
