Поранешниот принц Ендру Маунтбатен-Виндзор е уапсен под сомнение за злоупотреба на јавна функција.
Би-Би-Си истакнува дека ова е прв пат поранешниот принц, кој се соочи со бројни обвиненија поради неговата поврзаност со осудениот сексуален престапник Џефри Епштајн, да биде уапсен.
Ендру постојано и категорично негираше каква било вина и вмешаност во потенцијално кривични дела.
Полицијата издаде кратко соопштение во кое се наведува дека маж на возраст од околу 60 години е уапсен под сомнение за злоупотреба на јавна функција.
Исто така, беше наведено дека се вршат претреси на две локации кои се поврзани со уапсените.
„Мажот моментално е во полициски притвор. Нема да го именуваме човекот во согласност со националните упатства. Исто така, имајте предвид дека овој случај е сега активен, па затоа треба да се биде претпазлив со секое објавување за да се избегне непочитување на судот“, се вели во соопштението на полицијата.
Помошникот началник на полицијата Оливер Рајт изјави дека по темелна проценка, тие отвориле истрага.
Би-Би-Си пишува дека има значителен напредок во истрагата за досиејата на Епштајн.
Ендру Маунтбатен-Виндзор беше уапсен утрово под сомнение за злоупотреба на јавна функција.
Ова датира од документи од времето кога тој бил трговски пратеник.
Наводите за злоупотреба на службената должност во јавната служба и наводите дека Џефри Епштајн испратил жена во Велика Британија за да има сексуален однос со Ендру Маунтбатен-Виндзор се под истрага.
The post Поранешниот принц Ендру уапсен по протекување на информации за поврзаноста со Епштајн appeared first on Во Центар.
