„Португалија не е само Роналдо, имаат уште десетмина други!“

Македонскиот селектор Благоја Милевски очекува поинаков меч од тој со Италија во четвртокот во Палермо, поради поинаквите индивидуални карактеристики на Португалија, па посочи дека бившиот европски првак не е само – Кристијано Роналдо.
Најдобриот светски голгетер на сите времиња, кој неодамна го надмина Јозеф Бичан со 806 гола во кариерата, а патем е и рекордер по број на голови (115) во репрезентативниот фудбал ќе ја предводи страшно квалитетната Португалија за која играат уште еден куп ѕвезди – Жоао Кансело, Бернардо Силва, Диего Жота, Жоао Феликс…

„Португалија не е само Роналдо! Роналдо е најдобриот играч на светот, ама тој сам не игра. Играат уште десетмина други Португалци. Ние ќе мора да се сконцентрираме на тимот, а не на поединците. Секоја чест за успеите на останатите спортови кои играле на големи смотри, но кога зборуваме за фудбал, зборуваме за друга димензија. Фудбалот на глобално ниво е над сите и патот до успех во светски рамки е тежок“, вели Милевски.
Македонскиот селектор посочува дека посакува Александар Трајковски повторно да биде јунак како и во Палермо.
„Португалија игра поинаку од Италија, имаат селекција со извонредни фудбалери, ама ние покажавме дека можеме да играме со ваков тип на селекции. Португалија е фаворит, иако ние на гости ги победивме и Германија и Италија. Би сакал повторно Аце (Трајковски – н.з.) да даде пак таков гол како во Палермо и да испишеме нова историја“, посочи Милевски.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.