Почина уште еден пациент кој доби тешки прострелни рани за време на терористичкиот напад во Крокус, изјави рускиот министер за здравство Михаил Мурашко.
„За жал, во болница почина уште еден пациент, кој се здоби со тешки прострелни рани и беше во исклучително тешка состојба. Лекарите се бореа за неговиот живот и направија се што е можно. Би сакал да изразам сочувство до неговото семејство и пријателите“, изјави Мурашко на новинарите.

Претходно Белоруската амбасада извести дека починал Алим Кошеваров, државјанин на земјата роден 1981 година, кој се здобил со рани од куршуми за време на терористичкиот напад во Крокус.