Пратениците денеска на пленарна седница треба да донесат одлука за Дополнетиот ребаланс на Буџетот за годинава.
Тој е единствената точка на дневен ред на 118 седница чиј почеток е закажан за 11 часот.
Владата минатата недела на седница го усвои Дополнетиот ребаланс на Буџетот во кој се вградени усвоените амандмани од комисиската расправа за финансирање и буџет.
Дел од амандманите се однесуваат на дополнителни средства за жените коишто вршат земјоделска дејност, за отварање СОС линија за поддршка на жртвите на родово и семејно насилство, како и средства за отворање и ставање во функција на два згрижувачки центри за жртви на семејно и родово базирано насилство.
Вкупните приходи се проектирани на ниво од 379,5 милијарди денари, а вкупните расходи на ниво од 425,8 милијарди денари. Буџетскиот дефицит е проектиран на ниво 46,3 милијарди денари или 4,1 проценти од БДП, а економскиот раст на ниво од 3,5 проценти.
Од Левица велат дека во ребалансот на Буџетот секој десети денар е позајмен.
– За покривање на дефицитот и отплата на обврските се предвидуваат 76,4 милијарди денари “ново финансирање”. Тоа значи дека речиси секој десетти денар што власта ќе го потроши е позајмен. Од вкупното финансирање, над 54 милијарди денари, или околу 71%, се врзани за странски кредитори. Само каматниот товар изнесува повеќе од еден милион евра дневно – уште пред да се отвори првиот шалтер, да започне првиот час во училиште или да биде прегледан првиот пациент, државата веќе натрупала нова милионска сметка, велат од Левица.
The post Пратениците одлучуваат за Дополнетниот ребаланс на буџетот appeared first on Provereno.
