Ви го претставуваме овој рецепт кој е „сиромашен“ со јаглехидрати, а воедно има исклучително кремаст и сочен вкус. Уживајте!
Состојки:
- 1 кг. пилешко филе
- 130 гр. домашно или купечко песто сос
- сол и бибер по вкус
- 500 гр. шери домати
Начин на подготовка:
Премачкајте го пилешкото со песто од сите страни (околу 2 лажици песто на секое филе). По желба зачинете со сол и бибер.
На скара: Загрејте скара, грил или обична тава на средна топлина. Печете го пилешкото со вртење на скара од секоја страна 5 до 6 минути.Во меѓувреме пропржете ги шери доматите додека не омекнат и поруменат. Пилешкото прелијте го со уште малку песто и послужете го со гарнир по желба.
Во рерна: Загрејте ја рерната на 180 степени и обложете ја тавата за печење со алуминиумска фолија или хартија за печење. Полнетото пилешко ставете го во тавата за печење, печете 30 минути, а потоа ставете ги доматите заедно со пилешкото. Печете уште 20 минути, додека потполно не зарумени и се испече пилешкото.
